Գլխավոր Ավելին
Հրապարակումներ
07.04.2023

Ինչ է անհրաժեշտ անել առողջությունը պահպանելու համար. թերապևտի անդրադարձը՝ օրվա խորհրդով

Ապրիլի 7-ը ոչ միայն Մայրության և գեղեցկության օրն է, այլև Առողջության համաշխարհային օրը: Այս օրը առողջապահության համաշխարհային օրացույցի ամենակարևոր իրադարձություններից է, նվիրված է ամբողջ աշխարհում հանրային առողջության իրազեկման բարձրացմանը։ Տոնը ստեղծվել է 1950թ. Առողջապահության համաշխարհային կազմակերպության (ԱՀԿ) կողմից: Օրվա նպատակն է համաշխարհային հանրության ուշադրությունը հրավիրել առողջության և առողջ ապրելակերպի կարևորության, ինչպես նաև առողջության հետ կապված խնդիրների վրա։

Ամեն տարի ԱՀԿ-ն ընտրում է հատուկ թեմա և կարգախոս, այս տարվա կարգախոսն է՝ «Առողջությունը բոլորի համար»:

«Միքայելյան» համալսարանական հիվանդանոցի Ընդհանուր թերապիայի կլինիկայի թերապևտ, ԵՊԲՀ Ներքին հիվանդությունների պրոպեդեւտիկայի ամբիոնի դասախոս Տաթև Հովհաննիսյանը նշում է, որ առողջության համաշխարհային օրը կարևոր իրադարձություն է պետությունների և բնակչության համար, այն լավ հնարավորություն է նաև տարբեր կազմակերպությունների, պետական կառույցների և բժշկական հաստատությունների համար՝ առողջապահական խնդիրների հետ կապված լուծումների մասով փորձի փոխանակման համար:

Բժշկի խոսքով` տոնը մեզ մեկ անգամ ևս հիշեցնում է կյանքում առողջության կարևորության և մեր շրջապատի առողջության համար պատասխանատվություն ստանձնելու մասին։

«Առողջությունը ոչ միայն հիվանդության բացակայությունն է, այլ նաև լիարժեք ֆիզիկական, մտավոր և սոցիալական բարեկեցություն»,-ասում է Տաթև Հովհաննիսյանը և ներկայացնում, թե ինչ է պետք առողջ լինելու համար

✅առողջ ապրելակերպ

✅․ճիշտ սնվել

✅հրաժարվել վնասակար սովորություններից

✅զբաղվել սպորտով

✅կատարել տարեկան պրոֆիլակտիկ հետազոտություններ

✅գանգատների առկայության դեպքում անհապաղ դիմել բժշկի

✅չզբաղվել ինքնաբուժությամբ

✅բժշկի կատարած նշանակումներին հետևել:

×
facebook sharing button facebook